Dottrina Cristiana
Introduzioni a la Duttrina
D. Facemuni lu signu di li Cristiani: lu signu di la Santa Cruci. Dimustramu ca stu signu, ca semu cristiani: chi cridemu un sulu Diu in tri pirsuni, e cridemu in Gesù Cristu mortu in Cruci.
R. In nomi di lu Patri (si metti la manu dritta a lu frunti) e di lu Figghiu, (sutta lu pettu) e di lu Spiritu Santu (passandola dalla spadda manca a la dritta) Accussì è (juncennu la palma di li manu).
D. Ricitamu lu Credo, e sintemu fari l’attu di Fidi; lu Pater noster, e sintema fari l’attu di speranza, e di carità; l’Ave Maria, e prigamu a Maria Matri Ss. Di lu Lumi, pri ottenirmi da Diu lu lumi di la fidi, di la speranza, e di la Carità.
CREDO
Ju criju in Diu Patri Onnipotenti chi crijau lu Celu e la Terra: e in Gesù Cristu unicu Figghiu so Signuri nostru: lu quali fu conceputu pri virtù di lu Spiritu Santu, nasciu da Maria Virgini: patiu sutta lu guvernu di Ponziu Pilatu, f crucifissu, murìu, e fu sippillutu: scinnìu a li lochi infernali, lu terzu jornu risuscitau da la morti: pacchiana in celu, sta situ ala destra di Diu Patri Onnipotenti: di ddà avi a viniri a giudicari li vivi e li morti. Criju nellu Spiritu Santu: la Santa Chiesa Catolica, la comunioni di li Santi, lu pirdunnu di li piccati, la resurrezioni di la carni, la vita eterna. Accussì è.
PATER NOSTER
Patri nostri, chi siti in celu, sia santificato lu vostru Nomu: Venga lu vostru regnu: Sia fatta la vostra voluntà, comu in celu, accussì in terra: Datini oggi lu nostru pani cutidianu: E pirdunati a nui li nostri piccati, comu nui pirdunammu li nostri nimici: E non faciti cascari in tentazioni: Ma libiratini da lu malu. Accussì sia.
AVE MARIA
Diu vi salvi, o Maria, china di grazia. Lu Signuri è cu vui: Vui siti binidtta fra li donni, e binidittu lu fruttu di lu vostri ventri Gesù: Santa Maria Matri di Diu, progati pri nui piccaturi, ora e nell’ura di la nonstra morti. Accussì sia.
GLORIA A LU PATRI
Gloria a lu Patri, e a lu Figghiu e a lu Spiritu Santu. Comu ha stau, è e sarrà pri tutta leternità. Accussì sia.
Tratto da:
CUMPENDIU
DI LA DUTTRINA CRISTIANA
Dispostu ad usu di la Cungrigazioni di la Duttrina Crisiana e Sacri Missioni
DI LU RECLUSORIU
sutta titulu
DI LA MATRI SS.MA DI LU LUMI IN CATANIA
DI LU SAC. CAN. MARTINU URSINU
Ministru di la Duttrina nella supraditta Cungrigazioni
Ed appruvatu da l'Ordinariu pri tutti e singuli di la Diocesi