Santu Patri assicuta tutti i latri
Chiudu sempri a porta mia
cu li setti chiavi di Maria
e cu lu vastuni du Santu Patri
ca ù duna 'ntesta a tutti i latri.
Santu Patruzzu di li pirreri
assicuta li briganti du quarteri
latri e latruna ci nni su tanti
Santu Patri chiama tutti i santi.
Fai finiri sta ranni rubbarìa
libera lu populu e puru a mia
cu arrobba e arrubbau poi muriu
e 'unn'appi mai pirdunu di Diu.
Diccillu tu Patruzzu Santu
ca poi si finisci o campusantu
'unn'è giustu lu populu arrubbari
e chiama a tutti chisti a li pirreri.