A Madonna da Chiarcara
Origine: Castelbuono (PA)
(PROBABILMENTE DEDICATA AD UNA MADONNA IN PARTICOLARE)
C'è na chiarcara di vancola china
petri pitruddi e sorti i rina
ca l'omu a stentu a talia
su 'nfussi ca ci sorsi Maria!
na rosa russa menzu di la via!
Maria Virgini di li stiddi patruna
supra a chiarcara vosi stari
'menzu a chiaria e u lusciu di luna
na dicula cu lumi si fici fari.
tutti cristiani e cavalleri
ca passati u jornu 'ntra la strata
vutatici l'ucchiuzzi e nu pinzeri
siddi vi veni scommira a firmata
vui viddaneddi cu zappuni 'ncoddu
e picurara cu i picureddi accostu
sintiti comi u cori arresta moddu
quannu passati a chistu postu?
Bedda è la Virgini Maria!
Bedda comi du suli la chiaria!
taliatimi taliatini Maria!
lu passu protiggiti a nuatri
na strata e pi ogni travirsia
lu dicu a Vui ca ni viniti Matri
pu picciriddu ca strinciti 'mbrazza
Matruzza ca na chiarcara aviti casa
facitini la grazia!