Diu vi salvi Maria di l'Ancili
Origine: Castelbuono (PA)
Diu vi salvi Rigina
di l'Ancilli Maria
chi bedda cumpagnia
o latu aviti!
Stu cori rinchiti
di santu e veru amuri
ludannu tutti l'uri
a Trinitati.
Priamula spissu
a Matri u Crucifissu
Maria triunfanti
cu l'ancili e li santi
Franciscu e santa Chiara
eternamenti.
Chi beddi sunatura
pà Rosa bedda e pura,
chi bedda Criatura,
aviti 'mbrazza!
Gesuzzu u Bambineddu
taliamulu ch'è beddu,
è biunnu e rizzareddu
la Grazia di la fa!
Maria bedda Matri
st'armuzza vui taliati
stu cori lu purtati
o Signuri!
E all'ura di la morti
datini bedda sorti
rapirini li porti
u Paradisu!
Cu Bambineddu 'ncoddu
vinitini 'nto scontru
ca nuatri piccatura
avemu di trimari
Stidda bedda du mari,
vostra Matri ai a purtari
cu sant'Anna, Vui e Gesù.
Bedda Matri,
da morti unni scantamu chiù!