Preghiera prima della Messa
Origine: Altavilla Milicia (PA)
Ora mi partu e vaiu
e vaiu cu alligria a la missa
mi ni vaiu cuntenti lu cori miu
ca iu trasu alla casa di Diu.
Trasu na sta chiesa triunfanti
prima salutu a Diu e poi li Santi.
Stiennu la manu ritta
pigghiu acqua biniritta
mi la mintu supra lu visu
pirchì è acqua ri pararisu.
Maddinuocchiu e viru a luci
viru a Diu misu n'cruci
n'cruci è n'cruci sa stari
pi li setti piccati murtali.
E nu mi sacciu cunfissari
ne cu Monici e Parrini ne cu Papi e Cardinali
mi cunfiessu cu Vui Diu
ca sapiti lu cori miu.
Vui sapiti la mia cuscienzia
mi rati nu pocu ri pinitenza.
- Pater noster
- Ave Maria
- Gloria Patri