Invitu a la Duttrina Cristiana
Picciutteddi, Diu vi chiama
A imparari la Duttrina.
Cui non sa sta via divina
‘N paradisu non ci va.
Patri e Matri, la duttrina
Si a li figghi no ‘nsignati,
Pri vuatri sfortunati
Focu eternu ci sarà.
Mentri Diu vi chiama e aspetta,
surdi chiù non vi faciti
‘N ghiornu poi vi ni pintiti;
Ma rimediu non c’è chiù.
Cui di Diu si sta luntanu
Dispiratu campa e mori,
Sfurtunato chiddu cori,
Ca non sà cu è Gesù.
O gran Matri di lu Lumi
Danni tu lumi, e assistenza.
E la vera Sapienza
‘Mpariremu nui accussì.
A Diu Patri, e Figghiu, e Spiritu,
Tri persuni, un Diu eternu
Ci sia gloria in sempiternu:
Lodi, e gloria ad Unu in Tri.
Tratto da:
CUMPENDIU
DI LA DUTTRINA CRISTIANA
Dispostu ad usu di la Cungrigazioni di la Duttrina Crisiana e Sacri Missioni
DI LU RECLUSORIU
sutta titulu
DI LA MATRI SS.MA DI LU LUMI IN CATANIA
DI LU SAC. CAN. MARTINU URSINU
Ministru di la Duttrina nella supraditta Cungrigazioni
Ed appruvatu da l'Ordinariu pri tutti e singuli di la Diocesi