Lu Cristianu di nomu
Chi vi servi, o cari amicu,
Lu chiamarvi Cristiani,
Si la vita no lu dici,
Li costumi su mundani?
Cristianu è veramenti
Cui non sulu n’ha lu nomu,
Ma li soi di portamenti
Su di Cristu Diu fatt’Omu.
Chi vi giuva s’iddu aviti
Vui la vera, e Santa Fidi,
E la liggi non faciti,
Ca la Chiesa insigna, e cridi?
Cui ccu l’opri, e ccu lu fattu
Diu, e lu Prossimu non ama,
Non ci giuva nenti affattu
Cristianu si si chiama.
Di lu viziu la catina
Si non rumpi a manu a manu
Ti sarrà pri chiù ruina
La tua fidi, o Cristianu.
Quantu grazii, e chiu favuri
Ricivutu da Diu avrai,
Tanta pena, e chiu duluri
Ntra l’infernu patirai.
Tratto da:
DIARIU BREVI
Pri li cristiani idioti
NON INUTILI AD OGNI AUTRU
datu novamenti alla luci
DA MONSIGNURI
D. MARTINU URSINI
VISCUVU DI PATTI
AD USU DI LA SO DIOCISI