Massimi Eterni
Da putiris meditari, la mattina, e rammentari ‘ntra la jurnata una lu jornu ‘ntra la settimana.
Duminica
Fini di l’Omu
‘Ntra stu Munnu Diu mi ha misu
Pri purtarmi in Paradisu.
L’arma mia, lu cori miu
Fatti su pri amari Diu.
Lunedì
Importanza di stu fini
Gran negoziu è lu salvarmi
È cchiù facili dannarmi.
Siddu sgarru è gran pazzia
Non c’è ajutu chiù pri mia.
(Siddu sgarru… = Se sbaglio + una grande follia, alla quale non ci sarà rimedio)
Martedì
Lu piccatu
Quandu peccu offendu a Diu:
Perdu l’Arma, e corpu miu:
Lu piccatu è una catina,
Ch’a l’infernu mi trascina.
Mercoledì
La morti
Quannu menu mi l’aspettu
Jirrò mortu a un catalettu;
Di stu munnu niscirò;
Vermi, e cinniri sarò.
Giovedì
Lu Giudiziu
Stu gran munnu finirà.
Lu giudiziu vi sarà
Diu verrà giudici iratu
Né c’è nuddu pr’avvucatu.
Venerdì
L’infernu
Peni, e guai sempri ‘ntra un locu
Patirogghiu ‘ntra lu focu.
Senza paci ‘ntra l’infernu,
Senza Diu sarrò in eternu.
Sabato
Eternità di li peni
Mai finisci! Oh eternità!
Mai si nesci! Sempri ddà!
Mai riposu! Paci mai!
Sempri affanni! Sempri guai.
Tratto da:
DIARIU BREVI
Pri li cristiani idioti
NON INUTILI AD OGNI AUTRU
datu novamenti alla luci
DA MONSIGNURI
D. MARTINU URSINI
VISCUVU DI PATTI
AD USU DI LA SO DIOCISI