La pratica Cristiana
Lu veru Cristianu
Nun è cui nn’ha lu nomu,
Ma cui di Diu fatt’Omu
È veru amanti;
Chi osserva tuuti quanti
Li soi cumandamenti,
E li soi insegnamenti
Tutti cridi:
Chi presta vera fidi
A la Chiesa Romana,
Né mai si nn’alluntana,
E l’ubbidisci;
E cui a la Fidi unisci
Speranza, e Caritati:
Cui fa di li piccati
Penitenza:
Cui ha la pazienza,
E l’autri virtù
‘Nsignati da Gesù
Sodi, e sinceri:
Cui sempri fa prighieri:
E cui fa opri boni,
E a li tentazioni
Non cunsenti:
E cui li sacramenti
Ricivi spissu in vita:
Chistu avrà l’infinita
Eterna Gloria.
Tratto da:
DIARIU BREVI
Pri li cristiani idioti
NON INUTILI AD OGNI AUTRU
datu novamenti alla luci
DA MONSIGNURI
D. MARTINU URSINI
VISCUVU DI PATTI
AD USU DI LA SO DIOCISI